Qëllimi i dezinformatave të prodhuara në shkurt të vitit 2020, nga ana e mediave të përzgjedhura serbe, në raport me Kosovën, tregon që këto janë të përqendruara në mohimin e krimeve të luftës të kryera nga forcat e armatosura serbe gjatë konfliktit të viteve 1998–1999, në përllogaritjen e gabuar të numrit të refugjatëve serbë që e braktisën Kosovën pas luftës, në diskreditimin e udhëheqësisë dhe të institucioneve të sigurisë në Kosovë dhe të asistencës së dhënë Perëndimore, si dhe në projektimin e Kosovës dhe të Malit të Zi si dy shtete problematike
Dezinformatat që u prodhuan gjatë janarit të vitit 2020 nga mediat e përzgjedhura ruse dhe Ministria e Punëve të Jashtme të Federatës Ruse në raport me Kosovën, tregojnë që përqendrimi i tyre është në rrënimin e themeleve të shtetësisë së Kosovës, të përkrahjes së vendeve Perëndimore, dhe të ndërtimit të saj të shtetit demokratik. Kjo bëhet duke e paraqitur Kosovën si një krijesë shtetërore që është krijuar përmes “gjenocidit” kundër popullatës së vet serbe, të përkrahur nga vendet Perëndimore, duke i mohuar krimet e luftës që Serbia i ka bërë në Kosovë, duke bërë krahasime të gabuara dhe çorientuese të shtetësisë së Kosovës me aneksimin e Krimesë nga Rusia, si dhe duke e paraqitur Kosovën si një kërcënim për sigurinë rajonale
Qëllimi i dezinformatave flagrante të gjeneruara në janar të vitit 2020 nga mediat e përzgjedhura serbe në raport me Kosovën tregon që këto dezinformata janë të përqendruara në mohimin e krimeve të luftës që janë kryer nga forcat e armatosura serbe gjatë konfliktit të viteve 1998–1999, në diskreditimin e udhëheqësisë dhe të institucioneve të sigurisë së Kosovës si dhe të asistencës së dhënë Perëndimore, në projektimin e Kosovës dhe të Malit të Zi si shtete problematike, dhe në interpretimin e bashkëpunimit rajonal ndërkufitar të përkrahur nga BE-ja midis Kosovës, Malit të Zi dhe Shqipërisë si një përkrahje të cilën Mali i Zi e bën për krijimin e shtetit fantazmë të “Shqipërisë së Madhe.”
Qëllim i këtij punimi është ta dekonstruktojë idenë e bashkimit eventual mes Shqipërisë dhe Kosovës duke i analizuar modalitetet e ndryshme të kësaj çështjeje. Për këtë qëllim, në veçanti janë analizuar konsideratat e brendshme dhe ato ndërkombëtare që kanë ndikim të drejtpërdrejtë në fizibilitetin dhe qëndrueshmërinë e idesë së bashkimit mes dy vendeve. Me theks të veçantë, ky punim hedh dritë në implikimet e bashkimit të të dyja vendeve në raport me Kombet e Bashkuara (KB), Organizatën e Traktatit Veri - Atlantik (NATO) dhe Bashkimin Evropian (BE).